Fier, Tetori i letërsisë, prezantohet krijimtaria e shkrimtares Majlinda Rama.

Në javën e fundit të tij, Tetorit të letërsisë dhe arteve i është bashkuar edhe qyteti i Fierit.

Për të kurorëzuar këtë javë të fundit , në Fier u organizua aktiviteti dedikuar krijimtarisë së shkrimtares dhe gazetares Majlinda Rama.

Autorë e më shumë se 20 librave dhe fituese e dhjetëra çmimeve shkrimtarja Majlinda Rama bëri bashkë në Fier dhjetra personalitete të fushës së studimeve, botimeve dhe shkrimtarë e intelektualë..

Për Drejtoreshën e Qendrës së librit dhe leximit, Alda Bardhyli, Majlinda bën pjesë tek shkrimtarët e brezit të ri, që bazë të krijimtarisë së tyre kanë mendimin e thellë.

“ Vargu i saj është një lloj çlirimi që ndjehet hershëm që në vargjet e saj të para, një poezi e çliruar e pa komplekse. Një poezi që shënon një nivel të lartë të poezisë bashkëkohore shqipe’- tha Alda Bardhyli

Te tjere te pranishem ishin: prefekti i qarkut Fier, Lefter Shehaj, akademiku Ali Aliu, regjisori Pellumb Kulla, poetja Natasha Lako, studiuesi Behar Gjoka, botuesja Irena Toci e shume te tjere të cilët u shprehen se Majlinda është autore e mendimit të thellë që kap në thelb problematika sociale.

Majlinda Nana Rama është pedagoge, gazetare, shkrimtare, dhe studiuese shqiptare. Ajo konsiderohet si përfaqësuesja më e shquar e brezit të saj letrar dhe një nga emrat e nderuar të letërsisë së sotme shqiptare. Ka shkruar poezi, ese, artikuj shkencorë, studime, kritikë letrare, romane, novela etj. Majlinda Rama është edhe një sipërmarrëse e suksesshme.

Veprat e shkrimtares:

Merrma lotin peng – (Poezi) – 2004;

Hene e qiellit tim – (Poezi) – 2006;

… Por gjyqi vazhdon … – (Eseistike) – 2006;

Perandorët – roman, Toena, 2014;

Kritika Letrare – studime, kritika, ese, publicistikë, Shkup, 2014;

Zonja me të kuqe – roman, Toena, 2015;

Metalogjika policentrike e një shteti të ri – studim, 2016;

Koncept i përkufizuar i një modeli ekonomik – studim, 2016;

Ikja – novelë, 2016;

Antologji e prozës poetike – 2017;

Kthimi – novelë, 2017;