Në gjysmëfinalet e Europa League, Juventus përballet me Sevillan, ekip që e ka fituar këtë trofe 6 herë që prej vitit 2006. Italianët e dëshirojnë shumë një trofe europian që mungon prej 27 vitesh. Këtë sezon, kanë bërë paraqitje të shkëlqyer me 4 fitore në 6 ndeshje dhe vetëm dy gola të pësuar.
Sevilla ka ambicie të mëdha pasi largoi nga gara Manchester United. Roma-Bayer Leverkusen është ndeshja tjetër gjysmëfinale. Skuadra e Mourinho me lëkundje në Europë dhe Itali ka arritur deri këtu në ndeshje vendimtare. Pas fitimit të Conference League do të përpiqen të sigurojnë kualifikimin me lojë cinike.
Gjermanët e drejtuar nga Xabi Alonso janë të vendosur për të arritur finalen. Në Conference League, Fiorentina do të presë Baselin. Me ecurinë që kanë patur italianët, janë favoritë kështu që zviceranëve iu duhet të bëjnë ndeshje perfekte. Edhe West Ham ka treguar ambicie në këtë garë. Por përballja me Alkmaar mund të rezervojë surpriza.