Të gjithë maturantët nga Kosova e Shqipëria kanë mundësi të barabartë për të konkuruar në të gjithë universitetet nga Gjirokastra në Mitrovicë. Këtë marrëveshje e kanë firmosur ministrja e Arsimit në Shqipëri dhe ministri i Arsimit në Kosovë, në mbledhjen e 8-të mes dy qeverive. Dy shtetet do të kenë procedura të unifikuara të aplikimit dhe regjistrimit në programet e ciklit të parë, të dytë dhe profesionale.

Hiqen të gjitha kufizimet në pranimin e studenteve në institucionet publike ndërmjet dy vendeve. Më gëzon fakti që po nënshkruhet në prag të afateve për pranim të studentëve dhe mund të zbatohet nga ky vend”,-tha ministri i Arsimit në Kosovë.

Një nga lajmet më të mira të kësaj mbledhje, ne sot u japim mundësi të barabarta dhe kushte të barabarta të gjithë të rinjve nga Shqipëria dhe Kosova për të studiuar në universitet tona. Do të unfikojmë të gjitha proceduarat që lidhen me aplikimin apo regjistrimin e studenteve. Duke filluar nga ky vit të rinjtë e dy vendeve mund të konkurojnë në mënyrë të barabartë me njëri tjetrin. Ne do ta zbatojmë menjëherë”- tha ministrja e Arsimit Evis Kushi./Xh.M