Për numrin e muajit qershor/korrik të Vogue UK, Dua Lipa hap kapitullin e saj të ri, shkruan Vogue.
Fotografuar nga Tyler Mitchell dhe stiluar nga Jorden Bickham, Dua duket e mahnitshme në kopertinën e Vogue.
Këngëtarja britaniko-kosovare ka veshur pantallona Courrèges të ndezura, të argjendta që duken si gjysma e një kostumi hapësinor, dhe një palë vathë karabineri Eéra diamanti dhe jo vetëm.
Këngëtarja Lipa, në nje postim ne instagram ku ka ndarë fotografitë me ndjekësit e saj, ka falënderuar edhe shkrimtaren Jen Wang, me të cilin i shoqëron fotografitë duke u shprehur se ky vit ishte transformues për të.
“Faleminderit @byjenwang për fjalët e tua dhe që më ke kapur në këtë moment të jetës sime. Duke treguar çdo anë timen. Jam shumë mirënjohëse që kam këtë kopertinë për të më kujtuar vitin tim më transformues deri më tani, ku ndjej se kam lëvizur dhe kam ndryshuar jashtëzakonisht në nivel personal. Ndihem më e fortë në vetvete, krenare për udhëtimin që u desh për të më sjellë këtu dhe mirënjohës për të gjithë mbështetjen që kam marrë gjatë rrugës. Faleminderit ekipit të mrekullueshëm të Vogue për këtë moment që nuk do ta harroj kurrë”, ka shkruar Dua në Instagram./Xh.M
