Nga pasditja e sotme nafta dhe benzina do tregtohen më lirë. Bordi i Transparencës ka vendosur të ulë me 2 Lekë çmimin e naftës dhe 5 Lekë benzinën.

Nga ora 18:00 e pasdites së kësaj të premteje, 1 litër naftë do të tregtohet në pikat e karburanteve me jo më shumë se 196 Lekë nga 198 që ishte, ndersa 1 litër benzinë me 175 Lekë nga 180 që ishte më parë.

Këtë herë bordi e ka lënë të pandryshuar çmimin e gazit, 1 litër do të vijojë të tregtohet për jo më shumë se 69 Lekë.

Sipas Bordit të Transperencës, çmimet e reja reflektojnë ndryshimet në bursën Platz të Mesdheut.