Një film artistik për këngëtaren e ndjerë britanike Amy Winehouse është në krijim e sipër, me regjisorin e “Fifty Shades of Grey” Sam Taylor-Johnson.

I quajtur “Back to Black”, filmi paraqet jetën dhe muzikën e fitueses së gjashtë herë të çmimit Grammy, e cila vdiq nga helmimi nga alkooli në shtëpinë e saj në veri të Londrës më 23 korrik 2011.

Winehouse, e cila luftoi me problemet e alkoolit dhe drogës gjatë pjesës më të madhe të karrierës së saj, ishte 27 vjeç.

“Studiocanal është duke u përgatitur për të bërë Back to Black. Projekti po përparon me Sam Taylor-Johnson të bashkangjitur për të drejtuar filmin artistik mbi jetën dhe muzikën e Amy Winehouse,” tha Studiocanal, duke shtuar se një skenar ishte shkruar për filmin.

“Back to Black po bëhet me mbështetjen e plotë nga pasuria e Amy Winehouse.”./Xh.M